القاب يير او السنة الفاصلة

 بسم الله الرحمن الرحيم

 كبداية ✨

الي مايعرف ايش يعني قاب يير هي السنة الفاصله الي تكون مابعد التخرج من الثانوي واول سنة جامعة يعني يتخرج يجلس سنة او زود وبعدها يدخل الجامعة ، واسبابه عديدة مثلًا ماجاب درجات تدخله الجامعة او انقبل بتخصص بعيد عن الي يبي او يبي يريح ويجلس سنة او زود بالبيت شي راجع للشخص نفسه خلينا نتكلم من ناحية نفسية اول شي 

✨- النفسية تكون بالبداية لكم عليها خصوصًا للي ماخذ القاب بإرادته وجبرته ظروفه محد يتقبل الفشل ولا احد يتقبل يجلس والكل ينجز لكن هذي فترة " ف ت ر ة " مجرد سنة من سنوات عمركم كلها ومصيرها بتعدي وبتخلص ولابتحسون فيها بعد ولابتجلسون ملانين ولا طفشانين ولاشي لو ماقفلتو على القدرات ذاكروه واذا مقفلين عليه وعندكم وقت قبل التحصيلي اشتركو بدورات لغة انجليزية واستغلوها كويس اعتبرو السنة هديه من رب العالمين تطورون انفسكم ودرجاتكم وهواياتكم ومهاراتكم ولاتضيعونها بالنوم والكسل اوكي خذو لكم فترات راحة وانبسطو لكن لاتنسون الهدف الاساسي من هذي السنة والي هو التطوير 

انا تجيني كثير اسئلة وكلام ان الي حولهم يحطمون ويقولون ماراح توصلون اوكي ماراح اقول ان ذي شي ماصارلي وماراح اقول ان المذاكرة كانت معاناة بالنسبة لي رغم اني استمعت فيها لكن الي حولكم بيضايقهم كونكم تذاكرون سنة كاملة ويشوفون انكم تبالغون الي عليكم تطقونهم كلهم بالجدار وتسدون اذانيكم وتذاكرون وتشتغلون على انفسكم هذا مستقبلكم انتم وهذا طريقكم انتم لحالكم محد معكم  

طريقة المذاكرة المفترض تكون كويسه وتتناسب معكم وماتستهلكون يومكم كله مذاكره لان العقل يتعب وماراح تستوعبون وبتنفرون من المذاكره ، المذاكره ذكاء مو جهد يعني طريقة المذاكره هي الاساس مو المدة ولا الوقت ولاحتى الجزئيه الي تخلصونها وعلشان تستغلون هذي السنة كويس قسمو يومكم لو مثلًا انتم تصحون ١٤ ساعه باليوم ٦ ساعات مذاكره متقطعه ٣ نهار و٣ ليل مثلًا وباقي الوقت لكم تطلعون او تتابعون مسلسل علشان ماتكرهون الوضع وتستلمون  

من التساؤلات الي جتني هل حسيتي ان ممكن السنة هذي تضيع على الفاضي ومخاوف وهواجيس مثل مايقولون 

ترا الخوف شي طبيعي كون المستقبل شي مجهول وعلمه عند الله لكن الي لازم تعرفون وتوقنون فيه ان رب العالمين ماقدر لكم الظروف هذي عبث وان مافي سعي يضيع ولو ان حسيتو بوقت المذاكره انكم مو جالسين تنجزون او ان سعيكم غير كافي ترا غلط لان هذا كله محفوظ عند رب العالمين الله يعلم قد وش تعتبو وحاولتو وسعيتو وكم مره نمتو وانتم تبكون وكيف ان الموضوع مسبب لكم قلق  والبعض ماينام هذا كله عند الله ترا مافي شي يضيع كذا 

ودايم الي يوصل متأخر يكون وصوله مبهر خلو ذا الشي براسكم 

في ناس تقول طيب ليه في ناس تاخذ على طول وحنا ننتظر هذا لان الموضوع ارزاق ولانها مُدبرة كل شخص والي يتناسب معه البعض تكون انسب له يتخرج وينقبل على طول البعض لا ربي مقدر انه يجلس سنة سنتين بحيث تتغير الاوضاع وتكون متناسبه مع ظروفه 

مافهمتوني؟ طيب مثال اللعام جامعتنا كانت مطبقه الثلاث اترام والجدول كان مره ثقيل ومرهق السنة رجعت لنظام الترمين والجدول اخف بمليون مره وحذفو لنا بعض المواد وصار الوضع مرتب ومريح شفتو كيف انها احسن وافضل؟ مو شرط نفس الي اقصده يصير لكم بس اعطيتكم مثال مقارب 

بالنسبة لي انهرت شهر شهرين لكن خلاص الانهيار وش بيحل اوكي فرغت طاقتي وطلعت الي بداخلي وارتحت صار وقت اني اتحرك صح؟ تقريبًا بديت القدرات من بداية السنة مع وقت دوام الطلاب اختبرته مرتين اخذ مني الموضوع ٣ شهور او ٤ ماني متأكده من المدة بعدها قفلت ولان كان مره بدري على التحصيلي مره مره ف اخذت لي شهر راحه بعدها بديت تحصيلي وكان ستل بدري بس لان طفشت ماعندي شي اسويه  تقريبًا ذاكرت تحصيلي ٥ شهور المدة مره متعبه ومرهقه خلصت مذاكره ب٣ شهور وجلست شهرين اراجع واكرر واعيد وازيد كان الموضوع مره مرهق لكن الحمدلله تيسرت  وكان الموضوع كله سهالات الدرجة حتى ماخذت شهر علشان تطلع مره بسرعه طلعت وبسرعه فتحت القبولات وبسرعه انقبلت مره ميسره الحمدلله والشكر

اكثر حاجتين انصحكم فيها لاتسمعون للناس ولا للطلاب الي يقولكم صعب ومدري ايش التجارب تختلف من شخص لشخص بالنسبة لي ماواجهت صعوبة  حتى الاشياء الي كنت متخوفه منها طلعت تافهه مره ومايبيلها شي + داومو على سورة البقرة وسورة الشرح اذا كنتم قلقين مره تطمنكم  وبالتوفيق حلويني وبيجي يوم توصلون للي تبونه 

don’t Worry