طريقة المذاكرة الصح

 كبداية مافي طريقة معينة وحده للجميع لان كل شخص تفرق ولكن بعطيكم اقتراحات وانتم شوفوا الي تتناسب معكم 

اول شي الناس انواع البعض بصري يفهم ويحفظ لمجرد النظر البعض سمعي لازم يسمع المعلومه علشان يستوعبها البعض ناطق يعني يحب ينطق الكلمة بصوت عالي علشان ماينساها او علشان يستوعبها انتم لازم تعرفون اي نوع انتم  وعادي لو كنتو نوعين من الناس مثلًا سمعي وبصري بنفس الوقت لازم يشوف ويسمع علشان يستوعب عادي جدًا 

- اذا كنتم سمعيين اما تفتحون مقاطع شرح وتسمعون المعلومات او ان تسجلون اصواتكم ببرامج التسجيل  وتسمعون انفسكم وانتم تقولون المعلومه ذي الحركة كانت تفيديني بالسبيكنق حق الثانوي وتفيديني اذا ابي احفظ تعريف صعب 

- اذا بصريين نفس الشي مقاطع الشرح بتنفع معكم بعد واكتبو اكتبو اكتبو وحددو الكتابة بااقلام التحديد او الهايلايتر علشان تكون ملفته وتثبت بعقولكم 

- الناطقين طريقة تسجيل الصوت بتفيد معكم بعد 

وفي اشياء حلوه ان تتخيلون في احد قدامكم وتشرحون له او تسجلون فيديو شرح كأنكم تشرحون لاحد لكن المقطع يكون بس عندكم بتلقون انفسكم تشرحون المعلومه بضمير وبتثبت معكم ايضًا الخرائط المفاهمية او المايند ماب مره حلو  وتلخص لكم المعلومات بطرق حلوه  

بالنسبة للي يحسون بالملل لما يذاكرون سوو لكم قهوه علشان تصصحون وخلصو  اموركم كلها قبل تذاكرون بحيث مايكون عندكم شي يشغلكم او شغلو مقاطعstudy with me  باليوتيوب او انتم سجلو مقطع وانتم تذاكرون بتلقون انفسكم ماتتحركون من مكانكم علشان لايخترب المقطع وشوي شوي تلتزمون وتندمجون بالمذاكره 

اخر طريقة والي هي الافضل بالنسبة لي طريقة الربط بس مو دايم تنفع على حسب المادة نفسها انكم تربطون الكلمة او التعريف بشي يشبه له علشان تثبت بمخكم 

ايضًا طريقة الشرح لانفسكم مره حلوه انكم تفهمون المعلومه وتشرحونها لانفسكم بس بطريقتكم انتم

بكذا رميت كل اوراق يارب مانسيت شي بالتوفيق 🫶